മണാലി: മണാലിയില്‍ സിപ് ലൈനില്‍ സഞ്ചരിച്ചുകൊണ്ടിരിക്കെ കൊളുത്തുപൊട്ടി 12 വയസ്സുകാരി 32 അടി താഴ്ച്ചയിലേക്ക് വീണ് പരിക്ക്. നാഗ്പൂര്‍ സ്വദേശി തൃഷ ബ്രിജവെ എന്ന പെണ്‍കുട്ടിയാണ് സിപ് ലൈന്‍ പൊട്ടി താഴ്ച്ചയിലേക്ക് പതിച്ചത്. ഇതിന്‌റെ വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിപ്പിക്കുന്നുണ്ട്.
സിപ് ലൈന്‍ റൈഡിംഗ് മൊബൈലില്‍ പകര്‍ത്തവേയാണ് കുട്ടി താഴേക്ക് വീണത്. കുട്ടിയുടെ കാലിന് ഗുരുതരപരിക്കേറ്റു. സ്വകാര്യ ആശുപത്രിയില്‍ ചികിത്സയിലായിരുന്ന കുട്ടിയെ വിദഗ്ദ ചികിത്സയ്ക്കായി ചണ്ഡീഗണ്ഡിലേക്ക് മാറ്റിയിട്ടുണ്ട്.
യാതൊരു സുരക്ഷാ മുന്‍കരുതലുകളുമില്ലാതെയാണ് പ്രദേശത്ത് സിപിലൈന്‍ റൈഡിംഗ് നടക്കുന്നതെന്ന് കുട്ടിയുടെ മാതാപിതാക്കള്‍ ആരോപിച്ചു. മാതാപിതാക്കളോടൊപ്പം അവധിക്കാലം ചിലവഴിക്കാന്‍ ജൂണ്‍ എട്ടിനാണ് പെണ്‍കുട്ടി മണാലിയിലെത്തിയത്.
HP : मनाली में जिप लाइन टूटने से नागपुर की त्रिशा 30 फीट गहरी खाई में जा गिरी। वो घायल है और अस्पताल में इलाज चल रहा है। pic.twitter.com/mtO3zTubHk
content highlights: 12-year-old girl falls 30 feet after hook breaks while riding zip line; Video